www.rhedl.com

اهلاً و سهلاً بك بين ربعك وحياك الله

عـــــــادل الـــــــهــــــرســـــانــــــــي

منتدى أبناء رهيدل الهرساني


    كـسـرات مـن الألـف الـى الـيـاء

    شاطر
    avatar
    عادل
    .
    .

    عدد المساهمات : 270
    تاريخ التسجيل : 13/08/2010
    الموقع : المدينة المنورة

    كـسـرات مـن الألـف الـى الـيـاء

    مُساهمة من طرف عادل في الإثنين أبريل 04, 2011 2:20 am

    بسم الله الرحمن الرحيم

    حرف (أ)
    أخفي على الناس هذا الويل = اللي رسومة على جفوني
    لكنه الدمع غصب يسيل = ويبيح للنا س مكنوني



    حرف (ب)
    بسأل طبيب الهوى والود = اللي بألإحساس متفوق
    وأقول كيف أمتنع وأصد = لا صرت بالحيل متشوق



    بآغي أسأل الجمع وأستفسر = وأبغى الافادة من الشعار
    كسر الهوي ليه ما يجبر = والطب يوقف معه محتار




    حرف (ت)
    تعبت وأحرقت ماضيكم = وهبت عليه الهبوب وطار
    وإن عاد قلبي يناديكم = حرام لأشب فيه النار




    حرف (ث)
    ثارت براكين في جفوني = والقت حممها على الخفاق
    من ونتي آه يا خوفي = تزايد الجرح فالأعماق




    حرف (ج)
    جسم بلا قلب ما يطرب = لو كوكب الشرق غـنت له
    عن كل الافراح ناحي جنب = مثل الذي ينتظر قتله



    حرف (ح)
    حاولت أغطي أسى متقيه = ولمن سأل قلت في راحه
    يا زين قلبي ستر ما فيه = لكنها العين فضاحة



    حرف (خ)
    خصمين دعوي لهم في الشرع = بصكوك معهم لها إثبات
    لكن خصم جالهم من فرع = كسب القضية بحكم إقضات



    حرف (د)
    دم الشرايين متوقف = والقلب ينبض بليا دم
    وأنا من الطب متخوف = خايف دواهم يعوّد سم



    حرف (ذ)
    ذكرتني بماضي الأحزان = وأشعلت نيران في صدري
    والمشكلة يا أعز إنسان = لازلت محتار في أمري


    حرف (ر)
    رضيت باللي مارضيوا بي = ورضيوا بشرط أنا مأرضاه
    ولا ألبس اللي ماهو ثوبي = ومن هو ترك شيء عاش بلاه



    حرف (ز)
    زايد بي الشوق بكاني = وزاد في حيرتي لقياه
    مدري أمل واللقاء ثاني = وإلا شقاء والشقا نصلاه



    حرف (س)
    سلطان قلبي وقف لحظات = يكشف عن الجرح ويغطيه
    تذرف عيونه من الدمعات = عاجز عن الطب ما يمديه



    حرف (ش)
    شوف المعادن ذهب وألماس = والتفرقة بينهم واجب
    وإحرص تري إن العباد أجناس = لاجيت تختار لك صاحب



    حرف (ص)
    صابت صميم الفؤاد سهوم = وسهوم صابت جوارحنا
    وكل ما جعلنا الأسى مكتوم = دموع الاعيان تفضحنا



    حرف (ض)
    ضحكت مره وجازاني = وقتي بدمع الأسى عامين
    وقررت ما تضحك أسناني = حتى ولو كان في العيدين



    حرف (ط)
    طبيب الأجراح علمناه = عما بنا من عضو شاكي
    صفق يمينه على يسراه = وقفى مثل حالنا باكي



    حرف (ظ)
    ظالم ولا يعترف بالظلم = ومزود الظلم بالهجران
    أسقاني الكاس كله سم = حتى تشرّب به الشريان


    حرف (ع)
    عازف نغم جرّح المجروح = وهز قلبه ووجدانه
    خلاّه يأهل الغرام ينوح = لما سمع رقة ألحانه



    حرف (غ)
    غريق وسط الحزن عايم = والحال كله ألم وجروح
    والهم زايد على دايم = أمسيت بين العرب مذبوح



    حرف (ف)
    فكرت والفكر عناني = وأرهقت جسمي من التفكير
    يالله بالصبر تجزاني = وعن خاطري تبعد التكدير



    حرف (ق)
    قلوب نبض الوفاء فيها = وقلوب فيها الحسد تلقاه
    يظهر لك الوقت خافيها = والبعض في وجيههم تقراه




    حرف (ك)
    كيف أنسجم والهوي عكسي = وقلب المعني بحكم الغير
    وإن جيت للبر وأبغي أرسي = عكس الهوى يردني لأسير




    حرف (ل)
    لأجل أيش بحر الهوى سموه = يا هل تري كيف أوضاعه
    كثير من قبلنا عاموه = للحين ما حددوا قاعه



    حرف (م)
    مدري خلل صار في الميزان = وإلاّ المعاريف معدومة
    قلوب نالت من الإحسان = وقلوب للآن محرومة



    حرف (ن)
    نصبت قاضي ما بين إثنين = أساسهم جزء من ذاتي
    ما عرفت أقاضي وأراضي مين = مهما الحكم كان مأساتي



    حرف (هـ)
    هات الورق وأبري المرسام = وأكتب خواطر من أحزاني
    لعلها تشفي الاسقام = وتفرج الهم لآجاني



    حرف (و)
    وردت لي العين وأبغي أشرب = مثل الذي واردين العين
    قالت لي العين لا تقرب = عيني عليها حرس واعين




    حرف (ي)
    يشكي لي الهم والتعذيب = ويحسب دموعي على شانه
    ما يدري الدمع والتنحيب = من زود فرحي بأحزانه

    منقول



    _________________
    اليوم جـتـني علوم الهراسينـي *** بالطيب والعرف ربعي دوم مذكورة
    بين العرب دام ذكر الشذايينـي *** مـواقـف بنجـد بين القوم مخبورة
    (عادل الهرساني)
    avatar
    سبع الريم
    العضو المميز
    العضو المميز

    عدد المساهمات : 57
    تاريخ التسجيل : 26/08/2010

    رد: كـسـرات مـن الألـف الـى الـيـاء

    مُساهمة من طرف سبع الريم في الإثنين مايو 23, 2011 3:15 am





    وصح السانك
    avatar
    ابورشا
    مشرف
    مشرف

    عدد المساهمات : 47
    تاريخ التسجيل : 12/08/2010
    العمر : 35
    الموقع : المدينه المنورة
    العمل/الترفيه : معلم
    المزاج المزاج : رااااااايق

    رد: كـسـرات مـن الألـف الـى الـيـاء

    مُساهمة من طرف ابورشا في الأحد يوليو 17, 2011 10:30 pm

    يعطيك ألف عافية


    دائمًا مميز

      الوقت/التاريخ الآن هو الإثنين أكتوبر 23, 2017 8:36 am