www.rhedl.com

اهلاً و سهلاً بك بين ربعك وحياك الله

عـــــــادل الـــــــهــــــرســـــانــــــــي

منتدى أبناء رهيدل الهرساني


    المذيعة حليمة !

    شاطر
    avatar
    MANHATTAN
    العضو المميز
    العضو المميز

    عدد المساهمات : 51
    تاريخ التسجيل : 06/11/2010
    المزاج المزاج : sss

    المذيعة حليمة !

    مُساهمة من طرف MANHATTAN في السبت يناير 15, 2011 6:40 pm

    البارحة جاني مـن الحـب مرسـال *** من عقب ما بينـي وبينـه خصيمـة



    وأنا ترى في الحـب مانيـب فعّـال *** ولا بعـد ولّـع بقلبـي هشيـمـه



    ولا بعد غنّيت فـي ساعـة وصـال *** ولا بعد ذقـت الفـراق وجحيمـه



    ولا جرى دمعي على الخـد همَّـال *** ولابعـد جربـت مــرّ الهزيـمـة



    حتى وردنـي تالـي الليـل جـوال *** وأنا على شاهي وبسكـوت ديمـة



    الرقم بايخ لكـن الصـوت قتـال *** كنه مثل صـوت المذيعـة حليمـة



    قالت مساء الخير يـا طيّـب الفـال *** قلـت ارحبـي ترحيبـةٍ مستديمـة



    بالعود والصفـري ودلـة وفنجـال *** واجبك يا بنت الأصـول الكريمـة



    ردت بضحكة ثم قالت وش الحـال؟ *** قلت اشهد إن الحال عقبك سقيمـة



    قالت وهي تضحك بعد مثل الأطفال *** وأنا بعـد كنـي بدونـك يتيمـة



    من يـوم قالتهـا تزلزلـت زلـزال *** من فجعتي كنـي مسـوي جريمـة



    قلت ارفعي صوتك ترى مابه ارسال *** كـذاب لكـنّ المصيبـة عظيمـة



    قالت أقول اسمع ترى هرجنـا طـال *** ممكـن تصاحبنـي ترانـي وسيمـة



    واسمي الحقيقي أول حروفـه الـدال *** لكـن يسمّونـي البنـات الزعيمـة



    صحيح أحب الفخفخة واعشق المال *** لكـن ترانـي طاهـرة مستقيـمـة



    ما عندي امغازل ولا (لعب يهّـال) *** ما عندي إلا في الشرف والحشيمـة



    بس الصراحة قلبي لشوفتـك مـال *** واصبحت وحدك جالسٍ في صميمه



    فكّر بعقلك واترك القيـل والقـال *** واحذر تطيع أهل العقـول العقيمـة



    وارسل علي الحين خمسميـة ريـال *** أشحن بهـا جـوال أختـي غنيمـة



    أو طقم غالي فيه خاتـم وسلسـال *** أروح بـه فـي عـرس ولاّ عزيمـة



    قلت الحقيقة مانيب رجـل أعمـال *** ولانـي بتاجـر والمـوارد عديـمـة



    أنا الصراحة شبـه عطّـال بطّـال *** وعلاقتـي بالفقـر جـداً حميـمـة



    والراتب الله يرحم الحـال مـا زال *** محـدود والمصـروف ربـي عليمـه



    والدين بـالآلاف والبنـك شغّـال *** ياكـل فلوسـي بالربـا والظليمـة



    والسوق طايح والغلا ضيّـق البـال *** والموت والله صايـر اكبـر غنيمـة



    قالت تحمّل بـس والحمـل ينشـال *** خلك شديد الباس صلـب العزيمـة



    ياخي تصرّف جعلك اتصيـر نشّـال *** أهـم شـي إن النوايـا سليـمـة



    لابد تفهمني علـى كـل الأحـوال *** ما دمت من أهل العقـول الفهيمـة



    قلت إيه والله فاهم اللي على البـال *** لكن تـرى هـذي علينـا قديمـة



    يا بنت هـذا صايـر اليـوم مـوال *** للي تبي تلعب علـى ابـن اللئيمـة



    يا بنت ما تدرين كـم فيـه محتـال *** يلعب على الحبلين وانتـي غشيمـة



    يا بنت كم من جاهلة دمعها سـال *** من عقب ما جات العواقب وخيمـة



    والبنت لا اقفى عرضها بيد الأنـذال *** والله مـا يبقـى لهـا أي قيـمـة



    قالت تبي ولاّ فخلّك علـى جـال *** مهوب ناقصنـي نصايـح حكيمـة



    عز الله إنك للأسف منـت رجّـال *** وانك قليل الذوق ما فيـك شيمـة



    يا لعنبو اللي مـا يسطّـرك بنعـال *** حتـى يعلمـك الغـزل يـا بهيمـة



    ( تفو ) عليك وصكّت الخط في الحال *** مدري ( تفو ) هي مدح ولاّ شتيمـة
    avatar
    عادل
    .
    .

    عدد المساهمات : 270
    تاريخ التسجيل : 13/08/2010
    الموقع : المدينة المنورة

    رد: المذيعة حليمة !

    مُساهمة من طرف عادل في السبت يناير 15, 2011 7:06 pm

    مشكووووووووووووووووووووووور
    على الأبداع الرائع

    ( تفو ) عليك وصكّت الخط في الحال *** مدري ( تفو ) هي مدح ولاّ شتيمـة


    _________________
    اليوم جـتـني علوم الهراسينـي *** بالطيب والعرف ربعي دوم مذكورة
    بين العرب دام ذكر الشذايينـي *** مـواقـف بنجـد بين القوم مخبورة
    (عادل الهرساني)

      الوقت/التاريخ الآن هو السبت مايو 26, 2018 8:25 am