www.rhedl.com

اهلاً و سهلاً بك بين ربعك وحياك الله

عـــــــادل الـــــــهــــــرســـــانــــــــي

منتدى أبناء رهيدل الهرساني


    رجعان بن سالم بن نعيمان العوفي

    شاطر
    avatar
    عادل
    .
    .

    عدد المساهمات : 270
    تاريخ التسجيل : 13/08/2010
    الموقع : المدينة المنورة

    رجعان بن سالم بن نعيمان العوفي

    مُساهمة من طرف عادل في الخميس ديسمبر 23, 2010 6:17 pm

    يقول من هو عايش بين جيلين
    ولاهو منًصب بين الأجيال قاضي
    وجدي وجود اللي عياله مساجين
    ومن الحزن غاشي عيونه بياضي
    وزود على ما فيه متحمل دين
    ويزيد حزنه ليا بغاله مقاضي
    الضغط عنده يرتفع فوق ميتين
    ضغطه يزيد وسكره بانخفاضي
    وعز الله إني منوسن مثله البين
    لكن عن بعض الامور أمتغاضي
    ماهو على كنز الذهب والملايين
    على بديون يرتعون الفياضي
    يتلون رغبات البكار المزايين
    وضحن عليهن مطرقين العياضي
    بدون مراتعهم من التين ويمين
    ويتلون برًاق الحياء وين ناضي
    ليا منهم شدوا من الجو مقفين
    وكفو على المرحال تال الحياضي
    وسهيل عقب الفجر مشيوف بالعين
    مقفي سموم القايله والرماضي
    يومن يشدونه ويومن مقيمين
    وراع الشياه وراعي البل راضي
    يلين وصلوا دبرتن نبتها زين
    والسيل مع غير المساييل فاضي
    وياويل حالي وين أنا والبدو وين
    مغير ذكرى تمرني فعل ماضي
    وهذي حقيقه حطها بين قوسين
    ماعاش حي إلا وراءه إنقراضي

    الشاعر: رجعان سالم نعيمان العوفي


    _________________
    اليوم جـتـني علوم الهراسينـي *** بالطيب والعرف ربعي دوم مذكورة
    بين العرب دام ذكر الشذايينـي *** مـواقـف بنجـد بين القوم مخبورة
    (عادل الهرساني)

      الوقت/التاريخ الآن هو الإثنين أكتوبر 23, 2017 8:38 am